Për vetëm katër ditë Joel Embiid dhe 70 pikët e tij ndaj San Antonios ishin tema kryesore në ligën e NBA dhe nga sot (e shtunë) do të flitet vetëm për atë që bëri Luka Donçiq në duelin kundër Atlanta Hawsk.
Slloveni mjeshtëror udhëhoqi Dallas Mawericks në fitoren 148:143 si mysafir ndaj Atlantas me plotë 73 pikë të shënuara.
Donçiq pati 25 gjuajtje të sakta nga 33 tentime nga fusha, por nuk ishte vetëm i disponuar për shënimin e pikëve, sepse bëri edhe 10 kërcime dhe 7 asistime.
Ai jo vetëm që vendosi një rekord këtë sezon në NBA, por vendosi edhe një rekord personal dhe të Dallasit për numrin e pikëve të shënuara në një ndeshje të vetme.
Historikisht, kjo është ndeshja e katërt më efektive dhe vetëm Wilt Chamberlain dhe Kobe Bryant shënuan më shumë se Donçiq në histori të NBA.
Legjenda Chamberlain mban vendin e parë dhe të tretë pasi shënoi 100 dhe 78 pikë, ndërsa i ndjeri Bryant shënoi 81 pikë.
Skena pas ndeshjes, kur të gjithë lojtarët e Atlantas e uruan ngrohtësisht me përqafime për këtë arritje vërtet të jashtëzakonshme, tregon se sa në mënyrë mbresëlënëse luajti Doncic.
