Djali i madh i LeBron James, Bronny James, 19 vjeç, pritet të bëhet lojtari i parë që do të bashkohet me babain e tij në NBA, pasi ai u përzgjodh nga Los Angeles Lakers nga Universiteti i Kalifornisë Jugore si zgjedhja nr. 55 në draftin e NBA-së 2024, transmeton Anadolu.
“Në historinë e NBA-së, nuk ka pasur kurrë një baba dhe një djalë që të kenë ndarë një fushë basketbolli dhe kjo të jep ndjenjën si diçka që mund të jetë magjike”, tha Rob Pelinka, menaxheri i përgjithshëm i Lakersit.
“Ne e dimë dhe duhet të respektojmë sigurisht, se LeBron ka një vendim para tij… por nëse del që ai të jetë në ekipin tonë sezonin e ardhshëm, mund të shkruhet histori në NBA. Dhe historia e NBA-së duhet të bëhet në një uniformë të Lakersit”, shtoi ai.
Disa vjet më parë, James tha se ishte ëndrra e tij të luante në NBA me djemtë e tij.
James, koshashënuesi më i mirë i të gjitha kohërave në NBA dhe katër herë kampion, mund të bëhet agjent i lirë javën e ardhshme, që do të thotë se sulmuesi 39-vjeçar All-Star mund të zgjedhë të largohet nga Lakers ose të qëndrojë atje dhe të realizojë ëndrrën.
Gjatë sezonit të tij të vetëm të basketbollit në kolegj, Bronny ka shënuar mesatarisht 4,8 pikë, 2,8 kërcime dhe 2,1 asistime për lojë.
