Sipas Blerim Bexhetit, bartësit e listave që përfliten se do t’i nxjerr BDI, Sadullah Duraku dhe Musa Xhaferi, do t’i sillnin fitore partisë së integristëve në zgjedhjet e majit.
Në ClickPlus në TV21, Bexheti tha se Duraku është emër i respektuar dhe ka një kontribut të jashtëzakonshëm.
“Sadullah Duraku është një emër i respektuar, me një kontribut të jashtëzakonshëm edhe në sferën e çështjes shqiptare. Është njëri nga bashkudhëtarët e zotëri Ahmetit edhe në veprime jashtë BDI-së”, tha Bexheti.
Ndërkaq për Musa Xhaferin tha:
“Çdo emër ka kontributin e vetë në BDI”.
Blerim Bexheti: VMRO dhe LSDM e duan BDI-në në opozitë, por shqiptarët e votojnë sepse e duan në pushtet
Edhe Nikolla Gruevski dhe Zoran Zaev thoshin BDI-ja duhet të shkojë në opozitë, thotë Blerim Bexheti në ClickPlus në TV21.
Sipas tij, por BDI-në e duan shqiptarët dhe e legjitimojnë për të marrë pushtetin duke e votuar.
“Edhe Nikolla Gruevski thoshte më jepni 61+ që mos të më kushtëzon BDI-ja dhe Ali Ahmeti. Edhe Zoran Zaevi thoshte – “BDI-ja në opozitë”. Edhe tjerët mund ta thonë. Shumë me bindje e thash dhe çdo qytetar e ka të qartë se e dëshirojnë BDI-në dhe nuk duhet shumë që ta elaboroj. Por Shqiptarët fatmirësisht e dëshirojnë BDI-në dhe e votojnë. Nëpërmjet votës tyre e legjitimojnë”, tha Bexheti.
Blerim Bexheti: BDI do të fitojë mbi 21 deputetë
Mbi 21 deputetë do të fitojë BDI në zgjedhjet parlamentare, tha Blerim Bexheti.
“Realisht korrespondon me emrin e televizionit tuaj – 21+”, tha Bexheti.
