Deputeti Bekim Sali ka njoftuar për një hap të rëndësishëm drejt lehtësimit të qarkullimit ndërkufitar – vendosja e sistemit One Stop Shop në kufirin me Preshevën. Ky projekt ka për qëllim të shkurtojë pritjet, të rrisë efikasitetin dhe të lehtësojë tregtinë dhe lëvizjen e qytetarëve mes Maqedonisë së Veriut dhe Luginës së Preshevës.
“Ky është një hap konkret për lëvizjen e lirë të qytetarëve dhe një urë e fortë lidhjeje me shqiptarët përtej kufirit,” thekson Sali, duke shtuar se ndryshimi “IA VLEN”, duke iu referuar koalicionit që përfaqëson.
