Barcelona po shqyrton mundësinë e transferimit të Erling Haalandit nga Manchester City, si alternativë ndaj Julian Alvarez.
Sipas “TEAMtalk”, klubi katalunas po e konsideron seriozisht sulmuesin norvegjez në rast se vendos të ndryshojë planet për përforcimin e repartit ofensiv.
Një transferim i Haalandit në “Camp Nou” do t’i jepte fund interesimit të Barcelonës për Julian Alvarezin, i cili aktualisht luan te Atletico Madridi.
Përfaqësuesit e sulmuesit argjentinas tashmë janë në dijeni se Haaland është shfaqur si një tjetër opsion për Barcelonën.
Nëse Barcelona vendos të ndjekë këtë pistë, gara për transferimin e Haalandit mund të marrë një tjetër dimension, duke marrë parasysh rëndësinë dhe koston e lartë të një marrëveshjeje të tillë.
