Shkup, 15 tetor – Banorët e Konjares kërkojnë edhe nga përbërja e re qeveritare që të ndërmarrë masa dhe të ndalojë gërmimet e tokës që është nën koncesion, e që siç thonë ata, po ua dëmton tokën pjellore, cilësinë e ujit dhe të ajrit. ( atmosferë punimet) Banorët të revoltuar thonë se gjatë gërmimeve për nxjerrjen e rërës dhe zhavorit, kompania që është koncesioner, po bën shkelje të shumëta.
“Se këtu është kufiri ku ndahet Konjarja e Mesme dhe Konjarja e Poshtme. Ata janë duke punuar me dokumente që shkruan Konjare e Poshtme, ndërsa janë afruar dikund… Tjetra është se nëse e harxhojnë këtë rërën, e bëjnë njëfarë kanali, e lënë lumin me kalu këndej që të ju bie rërë, pastaj e hedhin nga ana tjetër, edhe peshqit edhe gjithçka. Po bëjnë gjithçka, lloje të ndryshme të krimeve bëjnë në këtë fushë këtu. Kjo fushë është klasa e parë, e cila para 25-6 viteve, speci i parë që është ngrënë në Slloveni është ngrënë nga kjo fushë, ndërsa sot ne nuk kemi as ujë të pijshëm”, tha një banor.
“Ky problem është prej vitit 2012, 2011, këtu ka qenë tokë bujqësore…02:44 Tani nuk kemi ujë për pije, 450 nxënës ka, ndërsa nuk ka ujë të pijshëm për banorët. 03:28 Duhet të del shteti dhe të na mbrojë. Toka na është shkatërruar, gjithçka është shkatërruar…04:03 I lusim institucionet të dalin në terren të na mbrojnë, nëse jo, le të na largojnë prej këtu dhe kaq”, shtoi një banor.
Derisa banorët po deklaroheshin për televizionin Alsat, në vendngjarje ndaluan edhe koncesionerët. Pasoi një përplasje verbale mes banorëve dhe koncesionerëve. Koncesionerët refuzuan të deklarohen, duke nënvizuar se qëndrimin e tyre do ta dërgojnë me shkrim, gjë që nuk e bënë.
“Derisa mundet me korrupsion të hyjë këtu, përderisa mundet t’I blejë fshatarët e fshatit tonë, domethënë mundet me vazhdu punën edhe disa vjet. Kjo është vetëm një dëshmi se nuk ka shtet, nuk ka institucione, s’ka parti, që ka akoma korrupsion në këtë shtet, kështuqë e patë edhe vetë sjelljen e koncesionerave, tash më shumë s’kam çka me fol”, tha një banor.
Nga inspektorati I Mjedisit Jetësorë thonë se për momentin nuk ka ndalesë aktive për gërmimet në këtë zonë. Përndryshe në nëntor të vitit të kaluar, inspektorati I mjedisit mori vendim për pezullimin e gërmimeve në afërsi të lumit Pçinja. Në atë periudhë nga inspektimi në terren ishin konstatuar shkelje nga ana e koncesionerit i cili detyrohej që në afat prej 60 ditësh të kthejë në tokë pjellore fushën ku ka pasur më shumë dëm.
Kujtojmë se banorët e Konjares disa herë kanë protestuar kundër këtyre gërmimeve, kanë treguar se si ishte kjo hapësirë përpara gërmimeve dhe se si tani kjo fushë është shndërruar në liqe artificial që ka arritur rreth 100 metra afër shtëpive të banuara. (Alsat)
