Në komuna ku shqiptarët janë shumicë mund të ndodhë të punësohen vetëm shqiptarë sepse tani s’ka mekanizëm për ti mbrojtur maqedonasit. Kështu sugjeron Viktor Mitevski, Drejtor i Shoqatës për Analiza dhe Kërkime. Z. Mitevski thotë se sado situate hipotetike, “kjo ka ndodhur në të kaluarën” e mund të ndodhë edhe tani.
Këto konstatime ai i dha gjatë një interviste për emisionin “Programi 200”, (që transmetohet sot në ora 22.00 në Alsat). Z.Mitevski tha se “BalancER”-i ishte viktimë interesave politike pavarësisht ngjyrave që kanë pasur pushtetet. Gjykata Kushtetuese shpalli si jo kushtetuese përmendjen e etnisë gjatë punësimeve në administratë. Vendimi shapakoti reagime të mëdha.
Viktor Mitevski, Drejtor i Shoqatës për Analiza dhe Kërkime, i cili prezantoi një studim për nivelin e hapjes të komunave në Maqedoninë e Veriut thotë se përfaqësimi i drejtë është i garantuar me kushtetutë dhe politikanët do japin zgjidhje juridike por sipas tij më e rëndësishme është të rritet niveli i administratës në të gjitha pushtetet, pavarësisht etnisë, kuadro të cilat pastaj të marrin drejtimin e shtetit./Alsat.mk
