Zëvendëskryeministri i Parë dhe ministër i Mjedisit Jetësor dhe Planifikimit Hapësinor Izet Mexhiti po qëndron në Shtetet e Bashkuara të Amerikës, ku do të merr pjesë në Mbledhjen e 79-të Asamblesë së Përgjithshme të Organizatës së Kombeve të Bashkuara.
Gjatë qëndrimit në Nju Jork, zëvendëskryeministri i Parë Mexhiti do të realizojë takime me personalitete ameirkane, si dhe do të ketë takime me organizata të diasporës që veprojnë në Shtetet e Bashkuara të Amerikës.
Zëvendës kryeministri i Parë Mexhiti, në Nju Jork ka udhëtuar me delegacionin e lartë shtetëror, që do të jetë pjesë e punimeve në mbledhjen e 79-të të Asamblesë së OKB.
Kujtojmë se ky është udhëtimi i dytë i zv.kryeministrit të parë të qeverisë së Maqedonisë së Veriut në ShBA vetëm brenda 10 ditësh ku Mexhiti realizoi takime të rëndësishme me korrin diplomatik në Uashington.
Vizita e eksponentëve shqiptarë në ShBA dëshmon aleancën e fortë dhe aprovimin e faktorit ndërkombëtar për përbërjen e re qeveritare, shkruan 3-shi.net.
Duke qenë se përbërja e vjetër e qeverisë kishte shkëputur vizitat e kësaj natyre me ShBA-në, ku asnjëri nga funksionerët e lartë të BDI-së me vite të tëra nuk po realizonte udhëtim në ShBA, këtu shtuar faktin se Ramiz Merko, i po kësaj partie u fut në listën e zezë të ShBA-së, me të drejtë shtrohet pyetja, a po e rrikthen koalicioni VLEN aleancën me faktorin ndërkombëtar, e në veçanti me ShBA-në si shteti më mik i shqiptarëve dhe garantues i demokracisë.
