Aktivizohet “Faza 3” deri më 8 korrik, gratë shtatzëna dhe personat mbi 60 vjeç të lirohen puna

Qeveria miratoi rekomandime për qytetarët bazuar në planin e veprimit për parandalimin e pasojave nga vala e të nxehtit ndaj shëndetit të popullatës, duke aktivizuar fazën 3, e cila do të zgjasë deri më 8 korrik. Rekomandohet që gratë shtatzëna dhe personat mbi 60 vjeç të lirohen nga detyrimet e punës, ndërsa të tjerët, nëse është e mundur, të punojnë nga shtëpia. Vala e të nxehtit që ka përfshirë vendin do të zgjasë deri në mesjavën e ardhshme, me temperatura ditore mbi 30 gradë Celsius, ndërsa lokalisht pritet të kalojnë edhe 40 gradë.