Kreu i Lëvizjes BESA, Biall Kasami përmes një statusi në rrjetin social Facebook duke iu bërë thirrje qytetarëve për tubimin e sontëm përbyllës në Shkup u shpreh se me BDI në pushtet shqiptarët kanë mbetur të varfër ndërsa eksponentë të lartë të BDI-së janë bërë multimilionerë.
Sipas Kasamit, sot investohet 75 euro për kokë banori te maqedonët, por vetëm 35 euro për kokë banori te shqiptarët.
“Në 22 vite qeverisje të BDI, shqiptarët kanë mbetur të varfër, por Aliu, Grubi e Osmani janë bërë multimilionerë. Sot investohet 75 euro për kokë banori te maqedonët, por vetëm 35 euro për kokë banori te shqiptarët.
Ka ardhur koha që të votojmë masivisht për zhvillimin ekonomik të shqiptarëve. Ka ardhur koha që të ndodhë NDRYSHIMI I MADH.
Prandaj sot në orën 20:30, të shkojmë të gjithë te Skënderbeu, t’ia vendosim vulën fitores që VLEN!”, shkroi Kasami.
Sonte në sheshin “Skenderbeu” në Çarshinë e vjetër të Shkupit, koalicioni VLEN do të mbajë tubimin qëndror përmbyllës.
