Kandidati i VLEN-it për kryetar të Komunës së Bërvenicës, Jakup Huseini, ka uruar Arkin Jahiu për fitoren në raundin e dytë të zgjedhjeve lokale, ku ai doli fitues përballë kandidatit të VMRO-DPMNE-së, Stojançe Radijçevski.
Përmes një statusi në rrjetet sociale, Huseini i ka uruar Jahiu sukses në përgjegjësinë e re për drejtimin e komunës, duke theksuar se pas përfundimit të garës zgjedhore, qytetarët meritojnë qetësi dhe bashkëpunim.
“Zgjedhjet përfunduan, por Bërvenica mbetet shtëpia jonë e përbashkët. Pas një gare me shumë emocione, qytetarët meritojnë qetësi, bashkëpunim dhe përkushtim, pavarësisht përkatësisë politike apo etnike”, ka shkruar Huseini.
Ai ka theksuar se interesat e komunës dhe të qytetarëve duhet të jenë mbi dallimet politike dhe etnike.
