Arsenali ka shënuar fitore të thellë në elitën e futbollit anglez të dielën. “Revolveristët” në ndeshjen e xhiros së 24-t të Premier Leagues fituan me rezultatin 6:0 në udhëtim te West Hami. Ishte fitorja e katërt rresht për Arsenalin.
Çështjen e fituesit të udhëhequrit e trajnerit Mikel Arteta e mbyllën që në pjesën e parë kur shënuan katër gola.
William Saliba, Bukayo Saka nga penalltia, Gabriel dhe Leandro Trossard, realizuan katër gola prej minutës së 32-të deri në minutën e dytë shtesë të pjesës së parë. Saka në minutën e 63-të dhe Declan Rice tre minuta më pas, i shënuan edhe dy gola tjerë për fitoren e thellë, 6:0.
Arsenali mbetet në pozitën e tretë në tabelë pas kësaj fitoreje me 52 pikë, dy më pak se lideri Liverpooli. West Ham Unitedi në pozitën e tetë ka 36 pikë, aq sa ka edhe Newcastle në vendin e shtatë.
