Krerët e LEN-it takohen me deputetin e Bundestagut Gjerman, Josip Juratovic

Shkup, 7 shkurt – Krerët e Lidhjes Europiane për Ndryshim kanë takuar deputetin e Bundestagut Gjerman, Josip Juratovic.
“Sonte, bashkë me Izetin e Bilallin, u takuam me deputetin e Bundestagut Gjerman, Josip Juratovic.
Duke qenë një deputet gjermano-kroat, që i njeh mirë rrethanat e Ballkanit Perëndimor, me të biseduam për procesin eurointegrues të Maqedonisë së Veriut, nevojën e ndryshimeve kushtetuese dhe ofertën e Lidhjes Europiane për Ndryshim, që në deklaratën e saj parimin themelor e ka integrimin në BE, si kërkesë dhe pritje e të gjithë qytetarëve të vendit.
Me këtë rast e njoftuam deputetin Juratovic edhe për aktualitetin tonë politik, veçmas me problemet me të cilat ballafaqohet opozita shqiptare në garantimin e demokracisë, që ka të bëjë me vendin e saj në Komisionin Shtetëror Zgjedhor”, thuhet në njoftimin e LEN-it.