Zv/kryeministri i parë Bekim Sali mori pjesë sot në mbledhjen komemorative të mbajtur në Komunën e Çairit për arsimtarin Hazbi Topojani, i cili ndërroi jetë papritur disa ditë më parë.
Me këtë rast, Sali u shprehu ngushëllime familjarëve, miqve dhe të pranishmëve, duke vlerësuar kontributin e të ndjerit në arsim dhe në formimin e brezave.
“Humbje të tilla në shoqëri lënë boshllëk të madh, sidomos kur bëhet fjalë për njerëz që kanë kontribuar në edukimin dhe formimin e brezave të tërë. Kujtimi dhe vepra e tij do të jetojnë gjithmonë”, ka thënë Sali.
Ai theksoi se figura të tilla lënë gjurmë të pashlyeshme në shoqëri dhe mbeten frymëzim për gjeneratat e ardhshme.
