Arben Ademi i njohur si pronar i kompanisë Gisada ka dalë me një reagim publik për të sqaruar lajmet e fundit që qarkullojnë në disa portale shqiptare.
Ai thotë se nuk ka asnjë procedurë apo çështje ligjore kundër tij, dhe se pretendimet e publikuara janë të pavërteta. Sipas tij, emri i tij është përmendur vetëm lidhur me një ndihmë financiare që kishte dhënë në vitin 2013 për shtypjen e Kur’anëve. Personi i përfshirë në atë rast është dënuar më vonë për një çështje tjetër, pa lidhje me Ademin. Ademi thekson se shpërndarja e Kur’anëve është e ligjshme dhe se ndihma e tij është keqinterpretuar nga portale.
Ai njofton se portalet që publikuan informacionet e pasakta janë paditur tashmë dhe se, edhe pse proceset ligjore mund të zgjasin, këtë situatë ai e përballon me qetësi. Ademi thekson se si mysliman praktikues dhe sipërmarrës, akuza të tilla janë diçka me të cilën ai është mësuar.
Në fund të njoftimit, ai falënderon për besimin dhe paralajmëron se do të vazhdojë me projekte të tjera mbështetëse në të ardhmen.
