Kryetari i Qeverisë së Republikës së Maqedonisë së Veriut, Hristijan Mickoski, sot, duke iu përgjigjur pyetjes së gazetarëve në lidhje me hapjen e një pjese të rrugës Kërçovë-Ohër, dhe dinamikën e punimeve në autostrada të tjera, deklaroi:
“Sa i përket dinamikës së ndërtimit të autostradës, e cila është pjesë e Korridorit 8, dhe lidh Kërçovën me Ohrin, mund të them se afër 8 muaj më parë, situata ishte në vend numëro. Punohej në 3 ndërrime, punohej shumë, punohej me përkushtim, dhe rezultati i asaj pune të përkushtuar janë këto 17 të parat, megjithëse aksi rrugor është 20 kilometra.
Por pjesa ku kthehet drejt Presekës, te tunelet, nuk është lëshuar në përdorim, sepse edhe ai aks rrugor nga Vrbjani deri në Kërçovë është gjithashtu 17 kilometra i gjatë, në mënyrë shtesë duhet të përfundojë, sepse ka 10 rrëshqitje dheu që, për fat të keq, kanë mbetur të harruara dhe tani janë bërë projekte dhe ato duhet të stabilizohen. Një pjesë e pesë kilometrave të zonës pranë fshatit Botun ka gjithashtu 6 rrëshqitje, ato ndoshta janë më të mëdha dhe më sfiduese. Projektet janë tashmë gati, pres që realizimi i tyre të fillojë në gusht. Për të gjitha këto, për të cilat po flas, është e nevojshme një rritje e kornizës së kreditit, sepse për fat të keq kjo nuk ishte parashikuar në të kaluarën”.
Kryeministri Mickoski theksoi se vazhdimi i aksit rrugor të autostradës nga Klimeshtani deri në Ohër pritet të përfundojë deri në fund të verës, dhe po punohet në mënyrë aktive edhe në segmente të tjera rrugore në pjesë të tjera të vendit.
“Gjithashtu po përfundon aksi rrugor nga Klimeshtani deri në Ohër, janë gjithashtu 17-18 kilometra, të cilat pres që të vihen në funksion deri në fund të gushtit. Pra, nga aksi rrugor total prej 57 kilometrash, diku 34, 35 do të jenë zgjidhje me autostradë deri në fund të gushtit. Minus ato 5 në Botun dhe minus ato 17 nga dalja e tunelit deri në Kërçovë, të cilat pres që të përfundojnë deri në fund të vitit 2026, fillimi i vitit 2027, le të jetë më së voni tremujori i parë i vitit 2027.
Gjithashtu me një dinamikë të fortë po punohet në ndërtimin e autostradës Gostivar-Bukojçan. Është hapur një front, më shumë se 75% e frontit të punës është hapur, po punohet me një dinamikë të pandërprerë. Një pjesë e madhe e aktiviteteve do të realizohet këtë vit.
Autostrada Tetovë-Gostivar po punohet gjithashtu me dinamikë të pandërprerë, si dhe autostrada Prilep-Manastir, të cilat pres të përfundojë edhe para afatit të paraparë.
Ky është ndryshimi midis kësaj Qeverie dhe qeverisë së LSDM-së dhe BDI-së, të cilat ishin të interesuara vetëm për të paguar avanse në mënyrë që të merrnin ndonjë përfitim në këmbim. Kjo Qeveri nuk është e interesuar për avanse, por për punën, frontin dhe prosperitetin e vendit. Derisa qeveria e LSDM-së dhe BDI-së vidhte, kjo Qeveri po ndërton. Ky është dallimi.
Neve nuk na interesojnë qendra tregtare, as makina të shtrenjta, as kompani të çastit për import të qymyrit, as agjenci të pasura turistike që blejnë ambiente biznesi të lira në qendër të Shkupit; neve na intereson puna dhe prosperiteti i të gjithë qytetarëve, në të gjithë territorin e Maqedonisë”, theksoi Mickoski.
