Çmimi i Bitcoin të dielën në mbrëmje ka rënë nën 79.000 dollarë ndërsa investitorët përgatiten për vazhdimin e jostabilitetit të tregjeve financiare globale këtë javë, pasi bursat pësuan rënien më të madhe nga viti 2020, për shkak të tarifave amerikane për mallra nga pjesa tjetër e botës.
Sipas Coin Metrics, çmimi i bitcoin ra për katër për qind, në 78,835 dollarë, pasi bitcoin tregtohej mbi 80.000 dollarë në pjesën më të madhe të këtij viti, përveç disa rënieve të shkurtra nën atë nivel për shkak të jostabilitetit të javës së kaluar. Ai çmim është afër 34 për qind më i ulët nga niveli i lartë rekord i bitkoinës së arritur në janar.
Çmim i kriptomonedhës kryesore zakonisht lëviz si çmimet e aksioneve të kompanive më të mëdha teknologjike, ndërsa tregtarët shpesh herë e konsiderojnë për tregues udhëheqës të disponimit të tregut, por javën e kaluar lëvizi në drejtim të kundërt të bursës – edhe krahas rënies së bursave, çmimi i bitkoinës u mbajt stabil ndërmjet 82 dhe 83 mijë dollarë.
Megjithatë, të dielën në mbrëmje, investitorët filluan të shesin kriptomonedha, me të cilat zakonisht tregtohet 24 orë në ditë, sepse presin “masakër të re” në bursa në ditët në vijim, pasi tarifat reciproke të Trampit i rritën frikat nga recesioni global dhe i detyruan investitorët të shmangin rrezikun.
Tarifat amerikane në dy ditët e fundit nga java e kaluar në bursa fshinë 7.460 miliardë dollarë nga vlera e tregut të aksioneve të përfshirë në indeksin e S&P Global Broad Market, 5.870 miliardë në Uolstrit dhe 1.590 miliardë në tregjet tjera të mëdha botërore.
