“BDI ishte pjesë e Qeverisë kur u realizua regjistrimi i popullsisë në vitin 2021 në Maqedoni. BDI u dakordua që mërgata të regjistrohet si banorë jo rezident në vendin tonë. BDI kishte zv. Drejtorin e Entit Shtetëror për Statistika, incitucion i angazhuar për realizimin e regjistrimit, por Ilmi Selami i BDI-së në vend të shqetësimit për mërgatën, u kujdes që edhe gjatë këtij operacioni kaq të rëndësishëm, të keqpërdoren para publike me blerjen e rreth 6000 laptopëve duke përvetësuar miliona euro”, kështu ka reaguar Arben Taravi nga VLEN, ndaj akuzave të BDI degës së Gostivarit, të cilët uruan mirëseardhje të bashkëatdhetarëve duke ua rikujtuar se qeveria aktuale nuk i llogarit si qytetarë rezident të RMV-së.
“Ftesa e mërgatës gostivarase në mbledhjen e nesërme të Këshillit komunal të Gostivarit, do ishte mirë të jetë ftesë për në selinë e BDI-së në Reçicë të Vogël ku Ali Ahmeti do të jepte përgjigje më adekuate pse e la mërgatën jashtë popullatës së përgjithshme në Maqedoni. Valdet Xhaferi bën mirë që këtë situatë kaq të dhimbshme për bashëatdhtarët tanë të mos e keqpërdorësh për karrierën tënde politike, po llogari ti kërkosh kryetarit të partisë së tij. Kjo do të ishte më e ndershme dhe ndoshta do të na bindte se vërtetë kujdesesh për mërgatën. Në fund, duam që në emër të qytetarëve të Gostivarit, Valdet Xhaferit ti parashtrojmë dy pyetje: 1. Na jep përgjigje për vlerësimin e tokave në Banjicë se në bazë të cilave kritere solle vendim derisa ishe Drejtor i Byrosë për Ekspertizë Ligjore, ato toka të merren me çmime qesharake për Bechte&Enka dhe pse çmimet në vendbanimet tjera nuk ishin përbuzëse sikurse në këtë fashat pjesë e qytetit tënd, Gostivarit? 2. Valdet Xhaferi akoma jemi në pritje të përgjigjes nga ana ytë derisa ishe në krye të Byrosë për Ekspertizë Ligjore pse lejove të vonohet superekspertiza për rastin në Llaskarcë ku jetën e humbën 16 bashkëqytetarë nga Gostivari dhe 38 përfunduan me lëndime të rënda?”, ka reaguar Taravari.
