Komentatori politik, Mentor Nazarko thotë se vendosja në listën e zezë të SHBA, e ish zëvendëskryeministrit të Maqedonisë së Veriut, Artan Grubi, është mesazh i Uashingtonit për politikën në Shkup, që respektohen institucionet.
Në një intervistë për “Ballkan Update” në ABC News, Nazarko u shpreh se konteksti, është zgjedhur dy ditë para vendimit të Gjykatës Kushtetuese, në lidhje me gjuhën shqipe.
Ndër të tjera, Nazarko shtoi se shpallja “non grata” nga DASH, i mbyll karrierën politike Grubit.
“Do duhet të nisemi nga konteksti kohor kur ndodhi. Ajo po, sigurisht. Përgjithësisht, SHBA nuk marrin masa të ashpra ndaj atye që janë në detyrë. Konteksti kur ka ndodhur kjo ngjarje, mendoj se lidhet me protestat që po ndodhin në Republikën e Maqedonisë së Veriut për gjuhën.
Mesazhi që kanë dashur të japin SHBA me zgjedhjen e kohës, zgjidhni veprimtarinë tuaj në kanale legale dhe mos e destabilizoni një vend si Maqedonia. Konteksti i zgjedhur është dy ditë para vendimit të Gjykatës Kushtetuese.
Koha e zgjedhur lidhet me vendimin e Gjykatës Kushtetuese, si përpjekje e SHBA për t’i thënë aktorëve të përfshirë në protesta, t’i ndalojë veprimtaritë në rrugë. Është veprim ndaj një figure politike me rëndësi të madhe. Ka qenë ndër vendimarrësit kryesorë, ka qenë zv.kryeministër. Ia mbyll karrierën politike zotit Grubi.
Është goditje e për brezin e ri të politikanëve, që janë përfshirë në iniciativa të tilla. Çështja për të cilën akuzohet, nuk ka pasur hetim nga organet vendore, por pritet të ketë. Është goditje e rëndë për individin Grubi, për karrierën politike, për BDI”, theksoi ai.
