Lidhja Social-demokrate e Maqedonisë, përmes një komunikate me shkrim ka akuzuar kryeministrin Hristijan Mickoski se nuk po e përmbush premtimin parazgjedhor për shfuqizimin e balancuesit. Madje sipas partisë opozitare maqedonase, ky mekanizëm vetëm po përmirësohet dhe zgjerohet.
“Ministri i administratës publike që vjen nga partia ZNAM pranoi se balancuesi mbetet në fuqi. Edhe pse vetëm dy javë më parë ai foli krejtësisht ndryshe.
Me këtë pohim u fundos edhe një premtim i Hristijan Mickoskit.
Në vend që ta shfuqizojmë balancuesin siç e ka premtuar DPMNE-ja, tani kemi një balancues të përmirësuar dhe të zgjeruar, aplikimi i të cilit do të jetë përgjegjësi e Kuvendit dhe do të menaxhohet nga BDI.
Qeveria e DPMNE-së në një kohë shumë të shkurtër nëpërkëmbi të gjitha premtimet e bëra qytetarëve. Dhe ZNAM rezultoi se nuk ishte asnjë faktor në Qeveri, vëzhgues i heshtur dhe ekzekutues i dëshirave të Mickoskit”, thuhet në kumtesën e LSDM-së”, thuhet në komunikatën e LSDM-së.
