Xhaferi: Kemi vërejtje për punën e Gashit, por nuk votojmë interpelancën e Levicës

Deputeti Talat Xhaferi, në fjalimin e tij, tha se ata nuk do të votojnë interpelancën e parashtruar nga Levica, për kryetarin e Kuvendit, Afrim Gashi.
“Edhe personalisht, por edhe grupi parlamentar i Frontit Evropian nuk do ta mbështes interpelancën për faktin që konstatojmë dhe të mendimit jemi se motivacioni për këtë interpelancë nuk ka të bëjë me punën e kryetarit, por ka të bëjë me përkatësinë etnike të tij dhe në fakt qëndrimet e qarta të përfaqësueseve të së Majtës në kontinuitet edhe në publik, por edhe këtu në Kuvend, korrespodojnë me atë që kemi konstatuar. Por, s’do mend që kemi vërejtjet e tona për atë çka është puna e deritanishme e kryetarit të Kuvendit”, ka thënë Talat Xhaferi, raporton SHENJA.