Deputeti i Alternativës, Bekim Sali, ka marrë pjesë në ngjarjen e organizuar nga ambasada e Turqisë në vendin tonë, me rastin e Ditës së Demokracisë dhe Unitetit Kombëtar, për nder të përvjetorit të grusht shtetit të dështuar më 15 korrik 2016.
“Sot, me ftesë të ambasadorit të Republikës së Turqisë, Fatih Ulusoy, mora pjesë në evenimentin komemorativ për 15 korrikun – Ditën e Demokracisë dhe Unitetit Kombëtar.
Me këtë rast i përkujtuam dhe u lutëm për shpirtrat e atyre që sakrifikuan jetët e tyre në mbrojtje të sovranitetit dhe demokracisë nga organizata terroriste FETO”, shkruan Bekim Sali.
