Zgjedhjet e ardhshme lokale do të shpallen më 7 ose 8 gusht

Zgjedhjet lokale do të shpallën në gjysmën e parë të muajit gusht, përkatësisht më 7 ose 8 gusht. Referuar afateve dhe dispozitave që përcaktojnë organizimin dhe mbajtjen e zgjedhjeve në gjysmën e dytë të muajit tetor, shpallja e tyre rezulton në javën e parë të gushtit. Kreu i Kuvendit, Afrim Gashi nuk precizoi datën e saktë, por tha se do t’i përmbahet afateve ligjore dhe 70-90 ditë para mbajtjes së zgjedhjeve. Referuar afateve, raundi i parë i zgjedhjeve lokale pritet të mbahet më 19 tetor. /Alsat.mk