Zëvendësministrja e Sportit merr pjesë në Turneun e Dhjetë Memorial të Shahut në nder të Fadil Nimanit – Komandant Tigrit

Zëvendësministrja e Sportit ka marrë pjesë në edicionin e dhjetë të turneut memorial të shahut, organizuar në nder të dëshmorit Fadil Nimani – Komandant Tigri.
Ajo u shpreh e nderuar për pjesëmarrjen në këtë ngjarje sportive, e cila tashmë është shndërruar në një traditë që vazhdon për të dhjetin vit radhazi, duke mbledhur shahistë nga të gjitha trevat shqiptare për të treguar shkathtësitë e tyre.
“Ky turne dëshmon jo vetëm përkushtimin ndaj sportit të shahut, por edhe respektin e thellë që ruajmë për figurat tona historike,” deklaroi zëvendësministrja.
Turneu u mbajt në prag të 25 majit – ditës kur ra dëshmor Fadil Nimani në Vakcincë të Komunës së Likovës. Heroizmi i tij mbetet i gdhendur thellë në kujtesën e popullit shqiptar dhe vazhdon të jetë burim frymëzimi për gjeneratat e reja.