Zëvendësministri i Punëve të Brendshme, Astrit Iseni, ka përgënjeshtruar lajmet dhe pretendimet se shqiptarët nuk kanë përfaqësim në polici në komunën e Butelit.
Në një reagim publik, Iseni bëri të ditur se për pozitën e kryeshefit të Stacionit Policor në Butel është paraparë emërimi i Gazmend Ibrahimit, dhe aktualisht po pritet formalizimi i këtij vendimi.
Sa i përket pozitës së zëvendëskomandantit, Iseni sqaroi se Boban Dodevski nuk është i emëruar në këtë pozitë dhe se pritet të emërohet një kuadër shqiptar. Ai theksoi se si nominim për këtë funksion është propozuar Enes Luci.
“Shqiptarët edhe në Butel do të kenë përfaqësim dinjitoz në strukturat e policisë,” deklaroi Iseni, duke nënvizuar angazhimin për një përfaqësim të drejtë dhe të barabartë në të gjitha nivelet institucionale.
