Zv.ministrja e Transportit, Kaltrina Zekolli, ka inspektuar nga afër sot punimet për rrugën Sllupçan-Orizare.
“Në Komunën e Likovës bashkë me kryetarin Erkan Arifi, inspektuam nga afër një nga projektet më të rëndësishme infrastrukturore për këtë zonë:
• Rruga: Sllupçan – Orizarë
• Gjatësia: rreth 3 km
• Gjerësia: 5 metra
• Rikonstruktimi i fundit: në vitet 1998/99
• Buxheti: 570.000 €
• Financimi: nga thirrja e parë e Qeverisë për komunat, përmes Ministrisë së Transportit
Ky projekt është një dëshmi konkrete se investimet publike po shkojnë aty ku ka më shumë nevojë në infrastrukturën që ndikon drejtpërdrejt në jetën dhe mirëqenien e qytetarëve.
Vazhdojmë me përkushtim për të ndërtuar më shumë, më mirë dhe më drejt”, ka shkruar Zekolli.
