VMRO-ja kritikon kryeprokurorin kocevski: Asnjë akuzë e ngritur

VMRO-DPMNE akuzon kryeprokurorin Lupço Kocevski se nuk ka iniciuar asnjë lëndë nga dyshimet e deritanishme për krim dhe korrupsion ndërsa dyshojnë se kjo është në harmonizim me BDI-në dhe LSDM-në. Duke rikujtuar besueshmërinë e qytetarëve në sistemin e drejtësisë, nga VMRO thonë se besimi përfundoi me instalimin e prokurorëve dhe gjykatësve të zgjedhur në Strumicë dhe Zajaz, të cilët bllokojnë lëndët dhe nuk veprojnë. “Kocevski nuk ka vepruar pas dyshimeve për krim në Onkologji, Rrugët Shtetërore, Lotarinë Shtetërore, Tec Manastir, Tec Negotinë, EMV, MEPSO, Ministrinë e Shëndetësisë, për tokat e blera në autostradën Shkup – Bllacë dhe shumë lëndë për të cilat kanë informuar mediat. Qytetarët meritojnë drejtësi dhe nuk mund të durojnë mos sukses, joseriozitet dhe joprofesionalizëm nga gjykatësit dhe prokurorët” thonë nga VMRO-DPMNE. /Alsat.mk