Sot u bë hapja solemne e bibliotekës së re të Universitetit Ndërkombëtar Ballkanik, një projekt që thekson rëndësinë e investimit në arsim dhe dije. Me një kapacitet prej 300 personash dhe një koleksion prej 10,000 librash, kjo bibliotekë moderne pritet të shërbejë si një burim i rëndësishëm për studentët dhe studiuesit.
Në ceremoninë e hapjes mori pjesë edhe kryetari i Komunës së Çairit, Visar Ganiu, i cili shprehu kënaqësinë dhe krenarinë për këtë arritje. “Komuniteti ynë është pjesë e projekteve që mbështesin edukimin dhe përparimin shoqëror. Kjo bibliotekë do të jetë një pikë referimi për bashkëpunim dhe avancim intelektual,” tha ai.
Hapja e kësaj biblioteke vjen si pjesë e përpjekjeve të Universitetit Ndërkombëtar Ballkanik për të krijuar një ambient modern studimi dhe kërkimi shkencor. Ky institucion synon të ofrojë një qasje më të lehtë në burimet akademike dhe të ndihmojë studentët në rrugëtimin e tyre arsimor.
Urime Universitetit Ndërkombëtar Ballkanik për këtë hap të rëndësishëm drejt një të ardhmeje më të ndritur në arsim dhe shkencë!
