Liverpooli “fiket” në momentin më vendimtar të sezonit. The Reds u mposhtën 0-1 nga Crystal Palace në kampionat, duke regjistruar humbjen e dytë radhazi në “Anfield” pas asaj me Atalantë në Europa League.
Eberechi Eze realizoi golin e fitores për skuadrën udhëtuese, gol që u festua edhe nga tifozët e Arsenalit dhe Manchester Cityt. Pavarësisht se krijoi disa raste, Liverpooli nuk arriti të shënonte gol.
Një humbje e rëndë që komplikon misionin titull për djemtë e Jurgen Klopp, të cilët mbetën në kuotën e 71 pikëve, dy më pak se kryesuesit e Cityt.
