Zyrtarë ushtarakë amerikanë thonë se kanë shkatërruar poste komanduese të Gardës Revolucionare të Iranit, si dhe sisteme iraniane të mbrojtjes ajrore dhe vende lëshimi raketash, që nga fillimi i ofensivës së përbashkët izraelito-amerikane të shtunën.
“Forcat amerikane kanë shkatërruar objektet e komandimit dhe kontrollit të Gardës Revolucionare Islamike, kapacitetet iraniane të mbrojtjes ajrore, vendet e lëshimit të raketave dhe dronëve, si dhe aerodrome ushtarake gjatë operacioneve të vazhdueshme. Ne do të vazhdojmë të ndërmarrim veprime vendimtare kundër kërcënimeve të afërta që paraqet regjimi iranian”, njofton Komanda Qendrore e Shteteve të Bashkuara.
