Toshkovski për aksionin e policisë: Po arrestohen persona që kanë kontrabanduar automjete të shtrenjta

Ministri i Punëve të Brendshme, Pançe Toshkovski, këtë mëngjes vizitoi policët në Njësinë për Punë të Brendshme në Gjorçe Petrov, ku u njoh nga afër me zhvillimin e aksionit që po realizohet sot nga SPB Shkup në koordinim me Departamentin e Policisë Kriminale.
“Aksioni është i fokusuar në goditjen e një grupi të organizuar kriminal që merret me kontrabandën e automjeteve të shtrenjta, falsifikimin e dokumenteve dhe keqpërdorimin e pozitës zyrtare, për të cilat sot në mëngjes janë kryer bastisje në disa lokacione. Ne vazhdojmë luftën kundër të gjitha formave të kriminalitetit, sepse qytetarët meritojnë të jetojnë në një shtet të qëndrueshëm dhe të sigurt,” theksoi ministri Toshkovski.