Ministri i MPB-së, Pançe Toshkovski sot në një konferencë për shtyp deklaroi se përgjegjësinë për ngjarjen tragjike në Koçan do ta kërkojmë në mënyrë institucionale.
Ministri njoftoi se prokurori publik kompetent ka marrë vendim për hapjen e procedurës hetimore ndaj 7 zyrtarëve policorë, të cilët dyshohen se veprën penale “Vepra të rënda ndaj sigurisë së përgjithshme”. Të punësuar si në SPB Shtip dhe DPB Koçan.
“Me nënshkrimin e dokumenteve për dhënien e pëlqimit pozitiv, kanë mundësuar që kabareja të marrë leje për të vepruar edhe pse nuk i plotëson kushtet. Të dyshuarit kanë shkaktuar rrezik të konsiderueshëm për punimet dhe njerëzit duke lejuar që kabareja të funksionojë në kushte nën standarde.
Ata konstatuan se kabareja plotëson kërkesat për mbrojtjen e rendit dhe trafikut publik. Ata miratuan dhe nënshkruan një njoftim për Ministrinë e Ekonomisë, ku konstatonin se kabareja plotëson kushtet ligjore, pavarësisht se nuk kanë kryer kontroll. Ata kanë përgatitur një telegram në të cilin nuk kanë dhënë informata të sakta dhe të plota se ka pasur raportime për shqetësime në afërsi të kabaresë”, tha Toshkovski.
Ministri shtoi se deri më tani në hetim janë përfshirë 26 persona, por ky numër nuk do të jetë përfundimtar.
