Me ndryshimet e fundit të Ligjit për Drejtorinë e te Hyrave Publike në vitin 2023, punonjësit në Drejtorinë e të Hyrave Publike (DHP) do të kenë statusin e nëpunësit tatimor (përveç personelit mbështetës teknik).
Lajmi është bërë i ditur nga zëvendësdrejtori i këtij institucioni, Tahir Bexheti, përmes një njoftimi në rrjetet sociale.
“Me krenari dhe kënaqësi, dua t’ju informoj se, në pajtueshmëri me ndryshimet e fundit të Ligjit për Drejtorinë e te Hyrave Publike në vitin 2023, analizën funksionale të miratuar, aktet e ndryshuara për organizimin e brendshëm dhe sistemimin e vendeve të punës, bashkë me drejtoreshën Sanja Llukarevska, kemi krijuar kushte që punonjësit në DHP të kenë statusin e nëpunësit tatimor (përveç personelit mbështetës teknik). Me këto ndryshime kemi eliminuar dallimet në mesin e të punësuarve që datojnë nga viti 2008 e këndej dhe kemi siguruar të drejta të barabarta për zyrtarët shtetërorë dhe tatimorë. Ky është një tjetër konfirmim se për ne kapitali njerëzor është një nga burimet më të rëndësishme që ne ushqejmë per te gjithë punonjësit, pasi kanë të njëjtat detyrime, te kenë edhe te njetin trajtim, që don të thotë të drejta dhe përfitime të barabarta nga marrja e statusit të zyrtarit tatimor.
Ky ndryshim jo vetëm që rrit efikasitetin dhe efektivitetin e ekipeve tona, por gjithashtu forcon profesionalizmin dhe integritetin e punonjësve tanë. Këto ndryshime janë pjesë e angazhimit tonë për të krijuar një mjedis pune ku çdo punonjës ka hapësirë për t’u zhvilluar dhe përparuar. Falënderoj të gjithë kolegët për besimin, durimin, punën dhe përkushtimin e tyre gjatë kësaj periudhe dhe shpresoj që së bashku të vazhdojmë me përmbushjen me sukses të detyrave dhe përgjegjësive tona specifike dhe si administratë tatimore shumë profesionale do të vazhdojmë të kontribuojmë për krijimin e një klime të favorshme biznesi dhe tatimpaguesve të kënaqur“, ka nënvizuar Bexheti.
