Sa i përket akuzave të Zijadin Selës për lidhjet dhe vizitat në Turqi, Taravari tha se ai nuk dëshiron dhe nuk mund të flas keq për Zijadinin ngase tetë-nëntë vite kanë punuar së bashku, por thotë se nëse është ashtu siç thotë ai, nëse ka ndikim “ai më ka mbajtur sekretar njëherë, sekretar për së dyti në mandatin e dytë, unë asnjëherë nuk kam insistuar që të jem me çdo kusht. Bile kam insistuar që t’i jepet detyrë dikujt tjetër. Nëse ka ndikime të këtilla pse ka insistu, shtrohet pyetja, ka insistuar me çdo kusht unë të jem njeriu i dytë në parti, edhe një vitin 2018, vitin 2022, vazhdimisht ka qenë insistimi i tij”.
Taravari për akuzat se i ka bërë puç partisë së vet, tha se nuk ka rast në botë kur i pari i partisë t’i bëjë puç partisë së vet.
“Nëse dikush e ka llogarit se Taravari duhet të jetë kukull me të cilin do të manipulojmë si të duam, të gjitha fajet t’ia hedhim atij, kurse përfitimet dhe pozicionet t’i marrim ne, e kanë gabim”, u shpreh Taravari, në emisionin “Intervistë në SHENJA”.
Taravari tha se ai është munduar që të bëj kompromise dhe të mos prishet partia dhe ajo që është krijuar ndër vite.
