Kreu i Kuvendit, Afrim Gashi organizoi takim me gazetarët me rastin e fundit të vitit. Ai shprehu mirënjohje për punën e gazetarëve në forcimin e demokracisë dhe transparencës në vend.
Njoftimi i plotë i Gashit:
Kisha nderin që, në prag të fundvitit, të organizoja në Kuvend një pritje për gazetarët dhe përfaqësuesit e mediave. Me këtë rast, shpreha mirënjohjen për punën e palodhur të gazetarëve gjatë këtij viti dhe theksova rëndësinë e angazhimit të tyre në forcimin e demokracisë dhe transparencës. Vlerësova, në veçanti, bashkëpunimin dhe mbështetjen në përcjelljen e punës së Kuvendit. I’u urova festën, me shpresën që vitin 2025 ta nisim me energji pozitive, për një shoqëri më të informuar dhe aktive.
Për më tepër, gjatë kësaj ngjarjeje, nderova në mënyrë simbolike gazetaren Sonja Nikolovska, e cila po i jep lamtumirën një periudhe të gjatë pune, për kontributin e çmuar që ka dhënë në fushën e gazetarisë.
