Drejtori i Spitalit Psikiatrik Shkup, Isa Avdullai, zhvilloi një takim të rëndësishëm me drejtorin e IP Qendra Ndërkomunale për Punë Sociale në Shkup, Hamza Ameti. Diskutimi u fokusua në sfidat dhe problemet që lidhen me pacientët e spitalit, për të cilët kompetenca ka edhe kjo qendër.
Gjatë takimit, u identifikuan pikat e përbashkëta dhe u ndërtua një plan për të adresuar problemet e grumbulluara ndër vite, veçanërisht për pacientët e shëruar, por të pastrehë. Avdullai vuri theksin te rëndësia e bashkëpunimit institucional për të gjetur zgjidhje afatgjata dhe efektive.
“Vetëm përmes një qasjeje të koordinuar dhe bashkëpunimi të ngushtë mes institucioneve mund të sigurojmë mbështetje të qëndrueshme për individët në nevojë,” deklaroi ai.
