anketë e re ka “hedhur dritë” mbi ndjenjat e gjeneratës së brezit të ri Gen Z të cilët shkojnë në shkollë fillore apo gjimnaz, veçanërisht të rinjve nga 12 deri në 18 vjeç. Gjetjet rreth shkollës dhe të ardhmes së tyre janë disi shqetësuese.
Angazhimi në shkollë ka rënë, teksa nxënësit e shkollave të mesme dhe të larta e mendojnë shkollën më pak interesante se një vit më parë. Vetëm rreth gjysma e nxënësve ndihen se janë sfiduar në një mënyrë pozitive. Ky problem është veçanërisht i theksuar midis adoleshentëve që nuk planifikojnë të ndjekin universitetin pas shkollës së mesme.
Këtu janë pesë pikat kryesore nga anketa, e kryer së bashku nga Gallup dhe Walton Family Foundation, lidhur me qëndrimet e Gen Z ndaj shkollës:
1. Nxënësit nuk ndihen të sfiduar mjaftueshëm në shkollë.
2. Ekziston një hendek i dukshëm në angazhim midis nxënësve që planifikojnë të shkojnë në universitet dhe bashkëmoshatarëve të tyre.
3. Shkollat përqendrohen shumë në diskutimet rreth universitetit.
4. Nxënësit vlerësojnë kujdesin si cilësinë më të rëndësishme të një mësuesi të mirë.
5. Të rinjtë e Gen Z janë optimistë për të ardhmen, veçanërisht ata që planifikojnë të ndjekin universitetin.
