Janë shpallur emrat e titullarëve të ndeshjes NBA All-Star 2024, ndërsa LeBron James, i cili bën histori me përzgjedhjen e 20-të në All-Star, do të jetë kapiten i skuadrës së Perëndimit dhe Giannis Antetokounmpo do të drejtojë skuadrën e Lindjes në shkurt, konfirmoi NBA, transmeton Anadolu.
NBA do të kthehet në formatin Lindje kundër Perëndimit në ndeshjen All-Star e cila do të luhet muajin e ardhshëm.
Kevin Durant (Phoenix Suns), Nikola Jokic (Denver Nuggets), Luka Doncic (Dallas Mavericks), Shai Gilgeous-Alexander (Oklahoma City Thunder) janë titullarët e Konferencës Perëndimore, ndërsa skuadra do të drejtohet nga sulmuesi i Los Angeles Lakers, James.
James, i cili është titullar në All-Star për të 20-tin vit radhazi, tejkaloi ish-kampionin e NBA-së dhe Hall of Fame, Kareem Abdul-Jabbar, i cili ishte përzgjedhur 19 herë në histori.
Joel Embiid (Philadelphia 76ers), Jayson Tatum (Boston Celtics), Tyrese Haliburton (Indiana Pacers), Damian Lillard (Milwaukee Bucks) janë titullarët e Konferencës Lindore.
Skuadra Lindore do të drejtohet nga superylli grek i Bucks, Antetokounmpo.
Lojtarët rezervë të ndeshjes All-Star për të dyja skuadrat do të zbulohen më 1 shkurt pasi shtatë lojtarë do të emërohen në secilën konferencë.
Ndeshja e 73-të e NBA All-Star do të luhet më 18 shkurt në Gainbridge Fieldhouse të Indianapolisit.
