Jose Mourinho nuk do të vazhdojë më të jetë në krye të Fenerbahçes.
Lajmin e konfirmoi vetë klubi turk të premten paradite përmes një komunikate zyrtare.
“Ju informojmë se kemi ndarë rrugët me Jose Mourinhon. Falënderojmë trajnerin për kontributin e tij dhe i urojmë suksese në vijim të karrierës” – thuhet në njoftimin e Fenerbahçes.
Shkak për këtë vendim u bë eliminimi i skuadrës nga gara për Ligën e Kampionëve, gjë që i kushtoi vendin teknikut të njohur portugez.
Mourinho e kishte marrë drejtimin e klubit gjatë sezonit të kaluar, mirëpo nuk arriti t’i realizonte objektivat e vendosur nga drejtuesit.
Pavarësisht kësaj, portugezi mbetet një nga emrat më të respektuar dhe më me peshë në futbollin evropian
