Shënoi gol në Kupën e Azisë, lojtari përjashtohet me karton të kuq për arsyen ‘qesharake’ (VIDEO)

2 Min. Leximi

Sulmuesi i Irakut, Aymen Hussein mori një karton të kuq për shkak të festimit të tepruar të golit që shënoi në Kupën e Azisë përballë Jordanisë që rezultoi të ishte vendimtar.

27-vjeçari i cili në nivel klubesh luan për Al-Quëa Al-Jaëiya në Irak, i dha avantazhin shtetit të tij në minutën e 76-të në ndeshjen e cila u luajt në Katar.

- Advertisement -

Pasi shënoi golin, ai vrapoi në fund të stadiumit aty ku ishin të pozicionuar me qindra tifozë të Irakut për të festuar golin.

- Advertisement -

Hussein më pas performoi një festim sikur ishte duke ngrënë me duart e tij, gjest ky që e shtyu gjyqtarin Alireza Faghani t’i jap kartonin e dytë të verdhë dhe ta përjashtoj me të kuq, veprim ky që tensionoi situatën.

Media e njohur nga nga Katari, Al-Jazeera, ishin të frustruar nga kjo sekuencë e ngjarjeve që ndodhën në këtë ndeshje.

“Nuk mund ta besoj këtë, disa sekonda pasi shënoi, Aymen Hussein u përjashtua me karton të kuq. Ai mori kartonin e dytë të verdhë për shkak të mënyrës së festimit. Është e vështirë të shohësh se çfarë bëri ai gabim aty, por gjyqtari nuk hezitoi për ta nxjerrë kartonin”, thuhej në blogun e tyre.

Iraku ishte favorit absolut në këtë takim por kur mbetën me vetëm dhjetë lojtarë në fushë gjërat u vështirësuan për ta.

TOP Lajmet

Ndani këtë artikull