Pasditen e sotme, reshjet e forta të shiut shkaktuan daljen e lumit Markovë nga shtrati në fshatin Batincë, afër Shkupit. Kjo ka çuar në përmbytje të zonës, duke rrezikuar shtëpitë e qytetarëve që jetojnë pranë lumit.
Në terren janë të pranishme makineri që po mundohen të kthejnë lumin në shtratin e tij të zakonshëm, për të parandaluar përhapjen e mëtejshme të përmbytjeve.
Drejtoria e Meteorologjisë njoftoi dje se reshjet intensive, të cilat kanë prekur kryesisht pjesët lindore të Maqedonisë, janë të shoqëruara me një aktivitet ciklonik që mund të vazhdojë të shkaktojë problematika të ngjashme në ditët në vijim.
