Presidenti i përkohshëm i Sirisë Ahmed al-Sharaa po udhëton sot në Arabinë Saudite në vizitën e tij të parë zyrtare që nga marrja e detyrës, sipas agjencisë siriane të lajmeve SANA, transmeton Anadolu.
Në shoqërimin e tij është ministri i Jashtëm Asaad al-Shaibani, duke shënuar një lëvizje të rëndësishme diplomatike midis Damaskut dhe Riadit.
Vizita pritet të fokusohet në forcimin e marrëdhënieve dypalëshe dhe diskutimin e çështjeve rajonale.
Ky udhëtim vjen mes përpjekjeve të vazhdueshme për të rindërtuar lidhjet ndërkombëtare të Sirisë pas viteve të izolimit politik.
