Nga sot dhe për dy javët e ardhshme, në aksin rrugor Gostivar – Tetovë dhe anasjelltas, nga pika e pagesës në Tetovë deri te pika e pagesës në Gostivar, do të kryhen punime kërkimore ndërtimore, për shkak të të cilave trafiku do të zhvillohet me regjim të ndryshuar, njofton Lidhja Auto Moto e Maqedonisë së Veriut (LAMMV).
Trafiku në rrugët shtetërore po zhvillohet në karrexhata të thata. Intensiteti i qarkullimit në rrugët jashtë qendrave urbane është rritur për shkak të pushimeve verore, me frekuencë më të lartë të automjeteve. Në pikat kufitare nga ana maqedonase nuk ka vonesa të gjata për hyrje ose dalje nga shteti.
LAMMV rekomandon shpejtësi të përshtatur të lëvizjes, respektim të sinjalistikës së vendosur rrugore dhe drejtim të kujdesshëm të automjeteve, veçanërisht në rrugët që kalojnë nëpër lugina, ultësira dhe gryka, ku mund të ketë rrezik për rrëshqitje dheu. Kjo vlen posaçërisht për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
