MPB ka informuar se dy persona janë plagosur pas një zënke në një palestër në rajonin e Çairit. Nga Policia shtojnë se pas kontrolleve në vendin e ngjarjes, është gjetur materie e bardhë pluhur.
“Më datë 01.06.2025, në ora 22:00, në SPB Shkup është raportuar nga Spitali i Përgjithshëm i Qytetit “Shën Naumi i Ohrit” – Shkup, se te ata është sjellë me plagë nga therje me mjet të mprehtë I.A. (38) nga Shkupi. Sipas raportit, rreth orës 21:45, para një palestre në rajonin e Çairit në Shkup, ai dhe vëllai i tij A.A. (32) kanë tentuar të ndajnë tre persona që ishin përfshirë në një përleshje fizike, me ç’rast janë sulmuar me një mjet të mprehtë. Si pasojë, edhe A.A. (32) ka pësuar plagë me thikë dhe është dërguar në Kompleksin e Klinikave “Nëna Terezë”, ku i është ofruar ndihmë mjekësore. Lidhur me rastin, më vonë në Spitalin e Qytetit “Shën Naumi i Ohrit” në Shkup është paraqitur edhe B.R. (25) nga Shkupi, i cili në një bisedë zyrtare ka deklaruar se është sulmuar nga A.A., ndërsa vëllezërit I.A. dhe A.A. janë sulmuar nga B.S. dhe A.S. Nga ekipi hetimor i SPB Shkup është kryer kontroll në vendin e ngjarjes dhe aty është gjetur substancë e bardhë pluhur”, thonë nga MPB.
