Maqedonia e Veriut po përgatit një kthesë radikale në ligjin për ndalimin e duhanit. Ndalimi do të vlejë për të gjitha hapësirat e mbyllura me karakter publik, ndërsa importi dhe shitja e produkteve të duhanit dhe nikotinës do të kufizohen ndjeshëm. Cigarët do të hiqen plotësisht edhe nga fusha e shikimit të blerësve në markete.
Është hartuar ligji i ri për mbrojtje nga pirja e duhanit, i cili do të vihet në debat publik. Në versionin aktual, të cilin e ka siguruar Telma, parashikohen rregulla rigoroze për të gjitha institucionet publike të mbyllura.
“Ndalimi vlen për të gjitha objektet hotelierike për ushqim, përfshirë restorantet, baret, hanet dhe mensat”, thuhet në një pjesë të ndryshimeve të propozuara të ligjit për duhanin.
Sipas dispozitave të ligjit, pirja e duhanit do të ndalohet madje edhe në tarracat e lokaleve, nëse ato nuk janë plotësisht të hapura nga të paktën tre anë, thuhet në projektligj.(INA)
