Një tërmet me magnitudë 5.4 ballë të shkallës Rihter goditi Turqinë perëndimore , tha Qendra Sizmologjike Evropiane-Mesdhetare (EMSC).
Tërmeti ndodhi në orën 12:59 të mesditës sipas kohës lokale dhe ishte në një thellësi prej nëntë kilometrash, sipas të dhënave të publikuara në faqen e internetit të EMSC.
Sipas të dhënave nga Autoriteti Turk i Menaxhimit të Fatkeqësive dhe Emergjencave (AFAD), epiqendra e tërmetit ishte në zonën e qytetit Simav në rrethin Kutahya.
Tërmeti, i cili u ndje edhe në zonat fqinje, ishte në një thellësi prej 8.4 kilometrash, tha AFAD.
