Shkollat fillore dhe të mesme në Maqedoninë e Veriut edhe nesër do të kenë mundësi të aplikojnë në Thirrjen Publike për ndarjen e granteve për projekte që do të kontribuojnë në zhvillimin dhe avancimin e multikulturalizmit, integrimit ndëretnik dhe tolerancës, transmeton Portalb.mk.
“Grantet janë deri në 60.000,00, ndërsa përzgjedhjen sipas renditjes do ta bëjë Komisioni për vlerësimin e aplikacioneve të pranuara, në pajtim me kriteret e caktuara. Inkurajojmë shkollat që të aplikojnë me projekte për aktivitete të përbashkëta mes nxënësve, të cilët realizojnë mësim në gjuhë të ndryshme mësimore”, njoftoi Ministria për Arsim dhe Shkencë.
Shkollat që zhvillojnë mësim në disa gjuhë do të kenë mundësi të aplikojnë sit ë pavarura, ndërsa shkollat ku mësimi zhvillohet vetëm në një gjuhë, duhet të aplikojnë me një shkollë partner që mësimin e zhvillon në një gjuhë tjetër.
Aplikimi bëhet në formë elektronike KËTU, deri më 1 dhjetor.
