Në Shkup, tregu i patundshmërive gjatë vitit 2025 ka shënuar rritje të ndjeshme, ndërsa metri katror më i shtrenjtë i banimit ka arritur deri në 3.784 euro, konkretisht në komunën Aerodrom.
Sipas raportit vjetor të Agjencia për Kadastër të Pasurive të Paluajtshme, komuna Qendër mbetet zona me çmimin mesatar më të lartë, prej 1.692 euro për metër katror, si dhe me numrin më të madh të transaksioneve.
Në top tre komunat me çmimet më të larta të banesave renditen edhe Karposh me 1.558 euro/m² dhe Aerodromi me 1.419 euro/m².
Transaksionet dhe çmimet rekorde
Gjatë vitit të kaluar janë realizuar gjithsej 33.381 transaksione, që paraqet rritje prej 7.6% krahasuar me vitin 2024.
Në Qendër janë realizuar 2.414 transaksione
Në Aerodrom 1.963
Në Karposh 1.791
Ndërkohë, çmimet më të larta individuale janë regjistruar në këto nivele:
Banesa më e shtrenjtë: 166.500 euro (Aerodrom)
Shtëpia më e shtrenjtë: 1.5 milion euro (Qendër)
Hapësira afariste më e shtrenjtë: 6.8 milion euro (Qendër)
Rritje e vlerës së tregut
Vlera totale e tregut të patundshmërive në vitin 2025 ka arritur në 1.14 miliardë euro, që është rritje prej 12.9%.
Numri i shitblerjeve ka shënuar rritje prej 4%, ndërsa qiratë janë rritur për 17%.
Banesat vazhdojnë të dominojnë tregun:
33% e numrit total të shitjeve
48% e vlerës totale të tregut
Edhe pse numri i banesave të shitura ka rënë për 3.9%, vlera e tyre është rritur për 10.8%, duke reflektuar rritjen e çmimeve.
Rritje edhe te toka dhe shtëpitë
Tokat bujqësore dhe pyjet përbëjnë 31% të transaksioneve, ndërsa toka ndërtimore ka shënuar rritje të madhe të vlerës prej 36%.
Shtëpitë marrin pjesë me 13% në treg, me rritje të vlerës prej 37%.
Rriten edhe qiratë
Banesa janë më të kërkuarat për qira, duke përbërë 35% të tregut, ndërsa qiratë mujore janë rritur për 15%.
Edhe hapësirat afariste zënë 34% të tregut të qirasë, me rritje prej 24% të çmimeve mujore./VOXAL/
