Fëmijët e moshës parashkollore për disa çaste u shndërruan në kuzhinierë dhe shitës të prodhimeve të ndryshme ushqimore dhe kreative të cilat ishin shtruar në oborrin e çerdhes “Fidani”. Të lumtur për rolin që aktruan fëmijët thanë se me më shumë kënaqësi kishin përgatitur ëmbëlsirat.
“Çka ke përgatit me mamin mbrëmë, për sot? Me mamin mbrëmë kemi përgatit bombica”, tha një fëmijë.
“I ke ndihmuar mamit mi përgatit ëmbëlsirat? Kam përgatit me mamin bombica. A ke shit ndonjë prej tyre? Po. Sa I ke shit? Pesë”, u shpreh një tjetër fëmijë.
“Unë e kam emrin Zana edhe vij prej Zvicrës. Kam ardhur me pa si është këtu. Shumë bukur është edhe shumë po më pëlqen. Çka ke me ble? Plot sende”, theksoi një fëmijë.
Prindërit vlerësojnë se përfshirja e fëmijëve në përgatitjen e ushqimeve i bën të pavarur në të ardhmen e tyre.
“Sigurisht që kjo ndikon aq më shumë kur fillojmë këtë ta praktikojmë që më herët dhe ajo ndikon pastaj kur të rriten besoj që bëhen më të pavarur dhe ndoshta dinë pak më shumë rreth gatimit edhe përgatitjes së ushqimit për veten nëse ngelen pa mamin dhe babin në shtëpi”, tha një prind.
“Fëmijët në këtë rast e kanë rolin kryesor, bëjnë shitjen e ushqimeve dhe punimeve, ushqime tradicionale në bashkëpunim me nënat, me prindërit. Ato të holla që do mblidhen do të shfrytëzohen për nevojat e fëmijëve të kopshtit”, deklaroi Gzime Bakiu, drejtore e çerdhes “Fidani”. (Alsatm)
