Murtezani: Plani për rritje të Ballkanit Perëndimor nxit zhvillimin ekonomik dhe përforcon dinamikën e integrimit

Ministri për Çështje Evropiane, Orhan Murtezani, sot ka marrë pjesë në panel diskutimin me temë
„Bashkëpunimi i përforcuar në procesin e integrimit në BE përmes Agjendës Reformuese“.
Murtezani ka deklaruar se ajo që e bën Planin e Rritjes veçanërisht të fuqishëm është funksioni i tij dyfishtë, ai nxit zhvillimin ekonomik, ndërkohë që përforcon dinamikën e procesit të aderimit.
“Si mund të shfrytëzohen Agjenda Reformuese dhe Plani i Rritjes për Ballkanin Perëndimor për të krijuar ndryshime të vërteta dhe afatgjata?
Një temë jashtëzakonisht e rëndësishme për të cilën e falenderoj EPI – Institutin për Politikë Evropiane që e hapën në diskutim-panelin e sotëm „Bashkëpunimi i përforcuar në procesin e integrimit në BE përmes Agjendës Reformuese“
Ajo që e bën Planin e Rritjes veçanërisht të fuqishëm është funksioni i tij dyfishtë, ai nxit zhvillimin ekonomik, ndërkohë që përforcon dinamikën e procesit të aderimit.
Për Maqedoninë e Veriut, sfida është t’i shndërrojmë këto plane ambicioze në realitet që do të kenë ndikim në çdo nivel. Pa marrë parasysh nëse bëhet fjalë për avancimin e pavarësisë të sistemit gjyqësorë, përmirësimin e standarteve arsimore apo përforcimin e lidhshmërisë rajonale, çdo reformë duhet të tregohet si një hap drejt një të ardhmeje më të drejtë, më me prosperitet dhe më të sigurt.
Prandaj, mendoj se reformat nuk janë qëllimi i fundit, ato janë proces i vazhdueshëm dhe ne në vazhdimësi duhet ta kujtojmë se pse e ndjekim. Ne e bëjmë këtë sepse besojmë në qëllimin e Maqedonisë së Veriut, e cila jo vetëm që do të bëhet anëtare e Bashkimit Evropian, por edhe shtet që do të qëndrojë krenar mes fqinjëve të saj, i përforcuar nga rruga e vështirë që ka kaluar dhe nga mësimet që ka mësuar”, ka deklaruar ministri Murtezani.